जरांगे पाटील यांच्याबद्दल वादग्रस्त वक्तव्या प्रकरणी ओबीसी नेते नवनाथ वाघमारे यांच्यावर वाळूज एमआयडीसी पोलीस ठाण्यात गुन्हा दाखल

न्यूज मराठवाडा वृत्तसेवा ( संदीप लोखंडे )-

वाळूज महानगर : छत्रपती संभाजीनगर येथील बजाजनगर येथे आयोजित एका कार्यक्रमात ओबीसी नेते नवनाथ वाघमारे यांनी मनोज जरांगे यांच्या बद्दल केलेल्या वादग्रस्त वक्तव्या प्रकरणी वाळूज एमआयडीसी पोलिस ठाण्यात (दि २७) रोजी गुन्हा दाखल करण्यात आला आहे.

मिळालेल्या माहितीनुसार बजाजनगर येथील महात्मा फुले स्मारक मोहटादेवी मंदिर जवळ हळदीकुंकवाचा कार्यक्रम (दि २६) रोजी आयोजित करण्यात आला होता त्या कार्यक्रमाला मार्गदर्शक म्हणून ओबीसी नेते नवनाथ वाघमारे यांना बोलावण्यात आले होते, परंतु या कार्यक्रमात वाघमारे यांनी मनोज जरांगे यांच्याबद्दल बोलतांना वादग्रस्त वक्तव्य केले. त्या वक्तव्याचा एक व्हिडिओ वायरल झाला आणि मराठा समाजाचे कार्यकर्ते आक्रमक झाले. वाघमारे यांच्यावर गुन्हा दाखल करावा यासाठी वाळूज एमआयडीसी पोलिस ठाण्यात मराठा समजाच्या कार्यकर्त्यांनी एकत्र येत पोलिस निरीक्षक गाडे यांना निवेदन दिले, याप्रकरणी वाळूज एमआयडीसी पोलीस ठाण्यात गुन्हा दाखल करण्यात आला आहे. यावेळी नितीन देशमुख, उमेश दुधाट, औदुंबर देवडकर, हितेश पाटील, विक्रम आळंजकर, दिनेश दुघाट, अमोल तांगडे, गणेश सूर्यवंशी, अमोल काळे, अनिता पाटील, विष्णू पवार, निलेश पेरे यांचासह आदींची उपस्थिती होती.

*****