चोरट्यांचे क्रेटा कारला पसंती; वाळूज महानगरातून रात्री दोन क्रेटा कार चोरी

न्यूज मराठवाडा वृत्तसेवा ( संदीप लोखंडे )

वाळूज महानगर : छत्रपती संभाजीनगरातील वाळूज महानगरात चोरट्यांची नजर आता क्रेटा कारवर असून दि २५ रोजी रात्री वेगवेगळ्या ठिकाणाहून दोन क्रेटा कार चोरी झाल्याची घटना उघड झाली आहे.

पोलिसांनी दिलेल्या माहितीनुसार श्रीरंग शेळके हे ए एस क्लब तापडिया इस्टेट येथे कुटुंबासह राहतात. त्यांचे बजाजनगर येथील मोरे चौक येथे पेंट चे दुकान आहे. शेळके यांना रात्री घरासमोर लागलेली कार एम एच २०एफ जी ६९८८ सकाळी ६ वाजेच्या दरम्यान घरासमोर दिसली नसल्याने त्यांनी आजूबाजूला व परिसरात शोध घेतला असता त्यांना कार मिळून आली नाही. त्यामुळे त्यांना कार चोरी झाल्याचे लक्षात आले.

तसेच दुसऱ्या घटनेत संगीता अरुण कोमटे, या श्री स्वामी समर्थ नगर सिडको वाळूज महानगर १ येथे राहतात, त्यांच्याकडे क्रेटा एम एच २० इ वाय ८७३३ ही कार आहे, सकाळी त्यांनाही घरासमोर लावलेली कार दिसली नाही, इतरत्र शोध घेतला असता कुठेही कार दिसत नसल्याने त्यांनी लावलेल्या सीसीटीव्ही कैमरात बघितले असता चोरट्यांनी कार चोरून नेल्याचे त्यांच्या लक्षात आले. या दोन्हीही घटनेची तक्रार पोलीस ठाण्यात दाखल करण्यात आली असून चोरट्यांचा शोध पोलीस घेत आहे. परंतु या घटनेने परिसरात भीतीचे वातावरण पसरले आहे.

*****^