शटर उचकटून कंपनीत १४ लाख ६७ हजारांचे पार्ट्स चोरी; वाळूज एमआयडीसी येथील घटना

न्यूज मराठवाडा वृत्तसेवा ( संदीप लोखंडे )

वाळूज महानगर : वाळूज औद्योगिक क्षेत्रातील गट नंबर ४३ येथील सी बर्ड लॉजी सॉल्यूशन या कंपनीत चोरट्यांनी दि २२ रोजी रात्री ८:३० वाजेच्या सुमारास कंपनीचे शरद उचकटून १४ लाख ६७ हजार ६८८ रु किमतीचे पार्ट्स चोरी केले आहे. या प्रकरणी कंपनी व्यवस्थापक संदीप केदारे यांच्या फिर्यादीवरून वाळूज एमआयडीसी पोलिस ठाण्यात गुन्हा दाखल करण्यात आला आहे.

वाळूज औद्योगिक क्षेत्रात गट नंबर ४३ येथील सी बर्ड लॉजी सॉल्यूशन ही कंपनी आहे, या कंपनीमध्ये बजाज कंपनीचे असलेले दुचाकी, तीनचाकी वाहनाचे काही पार्ट्स तयार होतात. दि २२ डिसेंबर रोजी नियमित पणे रविवार असल्याने सायंकाळी ५ वाजता कंपनीचा सर्व स्टाफ कंपनी बंद करून घरी गेला. दि २३ रोजी सकाळी ६:३० वाजता कंपनीचे कामगार नितीन शिरसाठ यांनी कंपनी उघडली असता दुचाकी, तीनचाकीचे स्पेअर पार्ट चोरी झाल्याचे त्यांचा लक्षात आहे. हा सर्व प्रकार सीसीटीव्ही कैमरा कैद झाला असून प्रत्येकी ४९६ किमतीचे असलेले २९५३ स्पेअर पार्ट्स एकूण किंमत १४ लाख ६७ हजार ६८८ रु किमतीचा पार्ट्स चोरी झाल्याची गुन्हा वाळूज एमआयडीसी पोलीस ठाण्यात नोंद करण्यात आला असून पुढील तपास पोलीस उपनिरीक्षक वैष्णव हे करीत आहे.

*****