दहावीत घवघवीत यश संपादन करणाऱ्या विद्यार्थ्यांचा सत्कार

वाळूज महानगर : इयत्ता दहावीच्या परीक्षेत उल्लेखनीय यश संपादन करणाऱ्या विद्यार्थ्यांचा नुकताच सत्कार करण्यात आला. विद्यार्थ्यांच्या यशामुळे परिसरात आनंदाचे वातावरण निर्माण झाले असून त्यांच्यावर शुभेच्छांचा वर्षाव होत आहे.

यामध्ये श्रेयस संदीप साबळे याने ८५ टक्के गुण मिळवत विशेष यश संपादन केले. तसेच सम्यक दत्ता तरकासे याने ६८ टक्के, तर सागर रघुनाथ मरकड याने ५५ टक्के गुण मिळवले. हे तिन्ही विद्यार्थी त्रिमूर्ती कॉलनी, रांजणगाव शेणपूंजी, छत्रपती संभाजीनगर येथील रहिवासी आहेत.

विद्यार्थ्यांच्या या यशाबद्दल समाजसेविका शालिनी वाकोडे आणि योगेश साबळे यांच्या हस्ते त्यांचा सत्कार करण्यात आला. विद्यार्थ्यांच्या मेहनतीचे कौतुक करत पुढील शैक्षणिक वाटचालीसाठी शुभेच्छा देण्यात आल्या.

यावेळी शिक्षक, नातेवाईक तसेच परिसरातील नागरिकांनी विद्यार्थ्यांचे अभिनंदन करत पुढील वाटचालीसाठी शुभेच्छा दिल्या. विद्यार्थ्यांच्या यशामुळे इतर विद्यार्थ्यांनाही प्रेरणा मिळत असल्याची भावना उपस्थितांनी व्यक्त केली.

॰॰॰॰॰॰