राजा शिवाजी विद्यालयाला भरारी पथकाची अचानक भेट

न्यूज मराठवाडा वृत्तसेवा ( संदीप लोखंडे) :

वाळूज महानगर : आज दि 24 फेब्रुवारी रोजी राजा शिवाजी माध्यमिक व उच्च माध्यमिक विद्यालय, बजाज नगर येथे बारावीच्या अर्थशास्त्र विषयाचा पेपर सुरळीतपणे पार पडत असताना भरारी पथकाने अचानक भेट देऊन परीक्षा केंद्राची पाहणी केली. माध्यमिक व उच्च माध्यमिक शिक्षणाधिकारी तथा भरारी पथक प्रमुख अश्विनी लाटकर यांनी केंद्रावर भेट देत परीक्षा प्रक्रियेची सखोल तपासणी केली. त्यांच्या समवेत पथक सदस्य सुवर्णा देशमुख व सुनीता वाघ उपस्थित होत्या. परीक्षा केंद्रावरील व्यवस्था, शिस्त आणि पारदर्शकतेबाबत समाधान व्यक्त करत लाटकर यांनी विद्यार्थ्यांना निर्भयपणे व प्रामाणिकपणे परीक्षा देण्याचा सल्ला दिला. तसेच शिक्षकांनाही आवश्यक त्या सूचना व मार्गदर्शन केले.

यावेळी मुख्याध्यापक डी. बी. साळुंखे, केंद्रप्रमुख श्रीमती जे. डी. शेजुळ, पी. यू. कदम, एन. बी. साळुंखे, विनोद शिंदे, डब्ल्यू. जे. गायकवाड, एन. डब्ल्यू. इंगळे, एस. टी. शिरसाट, पठाण ई. डी., जाधव एस. आर. आदी उपस्थित होते.

.. ..—————————————