वाळूज (न्युज मराठवाडा वृत्तसेवा – संदीप लोखंडे)
वाळूज महानगरातील गाडेकर फुलरा येथे राहणाऱ्या एका शिक्षकाच्या बंद घराचे कुलूप तोडून अज्ञात चोरट्याने ५८ हजार रुपये किमतीचे सोन्याचे दागिने चोरून नेल्याची घटना समोर आली आहे. ही घटना १३ जुलै रोजी पहाटे १.३० ते ३.०० वाजेच्या दरम्यान घडली.
अविनाश मुरलीधर बंदरकर (वय ४१) असे घरफोडी झालेल्या शिक्षकाचे नाव आहे. बंदरकर हे सध्या प्राथमिक शाळा गुरुधानोरा, ता. गंगापूर येथे पदवीधर शिक्षक म्हणून कार्यरत आहेत. साखरपुड्याच्या कार्यक्रमासाठी ते आपल्या पत्नी व दोन मुलांसह १२ जुलै रोजी सांगली जिल्ह्यातील इस्लामपूर येथे गेले होते.
या दरम्यान रात्री ३.३० वाजता त्यांना शेजारील रहिवासी बापूसाहेब रोहकले यांनी फोन करून चोरी झाल्याची माहिती दिली. तसेच सीसीटीव्ही फुटेजही पाठवले. फुटेज पाहून बंदरकर यांना चोरीची खात्री पटली. त्यांनी तात्काळ वाळूज एमआयडीसी पोलीस ठाण्याशी संपर्क साधून माहिती दिली.
१३ जुलै रोजी रात्री ११.३० वाजता घरी परतल्यानंतर त्यांनी घराची पाहणी केली असता, मुख्य दरवाजाचे सेफ्टी लॉक तोडून चोरट्याने घरात प्रवेश केल्याचे लक्षात आले. घरातील एका कपाटाचे लॉक तोडून सोन्याचे दागिने चोरीस गेल्याचे समोर यामध्ये सोन्याचे वेल (४ ग्रॅम) – ₹६,०००, सोन्याचे गंठन (९ ग्रॅम) – ₹१५,०००, सोन्याचे लॉकेट (१५ ग्रॅम) – ₹२१,०००, सोन्याची अंगठी (७ ग्रॅम) – ₹११,०००, मंगळसूत्राची वाटी (दीड ग्रॅम) – ₹५,००० असा ३.५ तोळ्याचे सोन्याचे दागिने एकूण ₹५८,०००, मुद्देमाल चोरट्यांनी लंपास केला आहे. चोरटे चोरी करतेवेळी कॅमेरात कैद झाले असून या प्रकरणी वाळूज एमआयडीसी पोलीस ठाण्यात अज्ञात चोरट्याविरोधात गुन्हा दाखल करण्यात आला असून पुढील तपास सुरू आहे. सीसीटीव्ही फुटेजच्या मदतीने पोलिसांकडून चोरट्याचा शोध घेतला जात आहे.
- “चांदगुडे कुटुंबाची घटना ताजी असतानाच खवडा डोंगरावर पुन्हा धोकादायक प्रकार!”
Share Total Views: 18 ३० ऑगस्टला पुन्हा एक व्यक्ती धोकादायक कड्यावर; नागरिकांच्या सतर्कतेमुळे अनर्थ टळला - शाळेतून घरी निघाली अन् काळाने गाठले; वाळूच्या हायवाने ८ वर्षीय विद्यार्थिनीचा घेतला जीव!
Share Total Views: 367 न्यूज मराठवाडा वृत्तसेवा : वाळूज : शाळा सुटल्यानंतर घरी परतणाऱ्या ८ - खवड्या डोंगरावर पोलिस ‘ॲक्शन मोड’वर; तिघांच्या मृत्यूनंतर सुरक्षाव्यवस्थेचा आढावा, आता उपाययोजनांना वेग!
Share Total Views: 20 पोलीस उपायुक्त रत्नाकर नवले यांच्यासह अधिकाऱ्यांची रात्री घटनास्थळी पाहणी; भविष्यातील दुर्घटना - मुलाला वाचवताना आई-वडिलांचा मृत्यू! एकाच कुटुंबातील तिघांचा डोंगरावरून पडून मृत्यू
Share Total Views: 15 न्यूज मराठवाडा वृत्तसेवा :वाळूज महानगर तिसगाव परिसरात असणाऱ्या खवड्या डोंगरावरुन उडी - बजाजनगरात महिलेच्या गळ्यातील ३.४० लाखांची सोन्याची चैन लंपास
Share Total Views: 24 न्यूज मराठवाडा वृत्तसेवा : वाळूज महानगर मुलीच्या वाढदिवसासाठी केक घेऊन स्कुटीवरून
