न्यूज मराठवाडा वृत्तसेवा ( संदीप लोखंडे ) –
वाळूज महानगर : आषाढी एकादशीनिमित्त विठ्ठल रुखमाई मंदिरात दर्शन घेऊन परतलेल्या एका ३४ वर्षीय व्यक्तीने गळफास घेऊन आत्महत्या केली. ही घटना रविवारी सात वाजता न्यू भारतनगर रांजणगाव (शें.पू.) येथे उघडकीस
आली. धनंजय आत्माराम पडघम असे आत्महत्या केलेल्या व्यक्तीचे नाव आहे. धनंजयच्या आत्महत्येचे कारण मात्र कळू शकले नाही. आषाढीनिमित्त धनंजय दुपारी पंढरपूर येथील आषाढी एकादशी निमित्त विठ्ठल रुखमाई मंदिरात जाऊन दर्शन घेऊन आला होता. तसा व्हिडिओ शूट करत त्याने सोशल मिडियावर टाकला होता. मात्र त्यानंतर त्याने रात्री घरात गळफास घेतला. सदर माहिती मिळताच पोलिसांनी तत्काळ घटनास्थळी जाऊन पाहणी केली. यावेळी त्याच्या खिशात आधार कार्ड व पॅनकार्ड आढळले. तो येथे एकटाच वास्तव्याला होता. पोलिसांनी घटनेची नोंद करत मृतदेह घाटी रुग्णालयात हलवला आहे. त्याने आत्महत्या का केली याचा पोलीस शोध घेत आहेत
- लाडक्या पत्नीचाच रौद्रावतार! फोन कॉलच्या वादातून नवऱ्यावर चाकू हल्ला
- ऑर्किड ज्युनिअर कॉलेजच्या विद्यार्थ्यांचे MHT-CET परीक्षेत घवघवीत यश
- ESIC रुग्णाकडून अवैध पैसे उकळल्याचा आरोप; हॉस्पिटलने आरोप फेटाळले…
- रूम भाड्याच्या वादातून तरुणाची आत्महत्या; रूम मालकासह तिघांविरोधात गुन्हा
- पोलिसांची भीती दाखवून सामान्य नागरिकांकडून पैशांची उकळपट्टी? वाळूज एमआयडीसीतील ‘झिरो पोलिस’ पुन्हा सक्रिय असल्याची चर्चा
