Screenshot
छत्रपती संभाजीनगर, दि. २८ जून (प्रतिनिधी) –
आज सायंकाळी सुमारे ४ वाजण्याच्या सुमारास वाळूजहून छत्रपती संभाजीनगरकडे जाणाऱ्या मुख्य रस्त्यावर वाहतुकीचा खोळंबा निर्माण झाला. वाळूजजवळील ए.एस. क्लबच्या परिसरात टाटा एस गाडीमध्ये अचानक बिघाड झाल्याने गाडीमधून मोठ्या प्रमाणात धूर निघत होता. या धुरामुळे संपूर्ण रस्ता धुक्याच्या पर्द्यासारखा दिसत होता आणि समोरून येणाऱ्या-जाणाऱ्या वाहनचालकांना काहीच दिसत नव्हते.
ही परिस्थिती पाहून अपघाताची शक्यता लक्षात घेता वाहनचालकांनी आपापली वाहने जागेवरच थांबवली. काही वेळ वाहतूक पूर्णपणे ठप्प झाली. घटनेनंतर तत्काळ घटनास्थळी समाजसेवक मनोज जैन यांनी वाहतूक सुरळीत करण्यासाठी पुढाकार घेतला आणि परिस्थिती आटोक्यात आणली.
दरम्यान, वाळूज येथील अग्निशमन दलाच्या जवानांनी तातडीने घटनास्थळी धाव घेतली. त्यांनी धूर निघणारी गाडी बंद करून ती रस्त्याच्या कडेला हलवली. त्यामुळे मोठा अनर्थ टळला.
या घटनेमुळे काही वेळ नागरिकांमध्ये खळबळ उडाली होती. सुदैवाने कोणतीही जिवितहानी झाली नाही.
- दरोड्यातील मुख्य सरगणा मयत अमोल खोतकर यांच्या गुन्हेगारीत बहिणीची भागीदारी उघड!छत्रपती संभाजीनगर गुन्हे शाखेकडून गुन्ह्यातील मोठी उकल उघड
- बजाजनगरात ज्वेलर्सचे शटर उचकवून चोरीचा प्रयत्न; CCTV कॅमेरे फोडले
- वाळूजमध्ये महिलेच्या गळ्यातील सोन्याचे मंगळसूत्र लंपास
- ज्ञानप्रबोधिनी इंग्लिश स्कूलतर्फे, देवशयनी आषाढी एकादशीच्या सर्व भाविक भक्तांना हार्दिक शुभेच्छा…!
- कपडे काढून अमानुष मारहाण करत तरुणाला संपवल; अंबेलोहळ येथे थरकाप उडवणारी घटना
