साजापूरमध्ये अजून एका स्क्रॅप गोडाऊनवर धाड, टॅबलेट स्ट्रिप हस्तगत; चौकशीनंतर कारवाई

न्यूज मराठवाडा वृत्तसेवा | संदीप लोखंडे

वाळूज महानगर, २२ जून — वाळूज औद्योगिक परिसरातील साजापूर येथे मागील काही दिवसांपासून विविध तपास पथकांकडून सुरू असलेल्या धाडसत्रात अजून एका गोडाऊनवर पोलिसांनी छापा टाकून महत्त्वपूर्ण सामग्री हस्तगत केली आहे.

२० जून रोजी एनडीपीएस पथकाने स्क्रॅपच्या नावाखाली औषधनिर्मितीसाठी वापरले जाणारे संशयित पावडर वाहतूक करत असलेली दोन वाहने ताब्यात घेतली होती. पोनी.गीता बागवडे व त्यांच्या टीमनेसह सपोनि. मनोज शिंदे यांचेकडून यावेळी दोन गोडाऊन सील करण्यात आले होते. या पार्श्वभूमीवर, शहर गुन्हे शाखेच्या पथकाने सील केलेल्या गोडाऊनच्या बाजूलाच असलेल्या “डिलक्स स्क्रॅप” नावाच्या आणखी एका गोडाऊनवर धाड टाकली.

छाप्यात पोलिसांनी टॅबलेट बनवण्यासाठी वापरल्या जाणाऱ्या पॉकेट स्ट्रिप्स जप्त केल्या आहेत. सदर गोडाऊनमध्ये आणखी काही संशयित साहित्य आढळून येण्याची शक्यता असून, पोलिसांकडून तपास सुरू आहे. चौकशी पूर्ण झाल्यानंतर योग्य ती कारवाई करण्यात येईल, अशी माहिती पोलिस सूत्रांनी दिली.

दरम्यान, शहरात वाढत असलेल्या अवैध धंद्यांविषयी न्यायालयाने स्वतःहून (सु॑मोटो) दखल घेतली असून, त्यानंतर पोलिसांची हालचाल अधिक गतीमान झाली आहे. या पृष्ठभूमीवर पोलिस अधिकाऱ्यांनी कारवाईची चक्र वेगाने फिरवली आहेत.

शहरातील इतर भागांमध्येही अशाच प्रकारचे अवैध व्यवहार सुरू असल्याची माहिती नागरिकांकडून समोर येत असून, संबंधित ठिकाणीही कारवाई करण्याची मागणी जोर धरू अगला आहे.

**

• पानटपरीचे कुलूप तोडून सिगारेटचा मोठा साठा चोरीला
• आषाढी एकादशीचा भक्तिमय सोहळा; उद्योगमंत्री उदय सामंत यांच्या हस्ते प्रती पंढरपूर येथे विठुरायाची महापूजा संपन्न
• NEET पेपरफुटी प्रकरणांवर केंद्र सरकारचा मोठा निर्णय
• आषाढी एकादशीनिमित्त वाळूज-पंढरपूर परिसरात वाहतुकीचे विशेष नियोजन
• भरधाव कारची उभी कंटेनरला धडक; २० वर्षीय तरुणाचा जागीच मृत्यू