सिडको महानगरात भरदिवसा महिलेच्या गळ्यातील अडीच तोळ्यांचे मिनी गंठण लंपास

पाण्याच्या टाकीजवळील मोकळ्या मैदानात चोरट्याचा धाडसी प्रकार; एमआयडीसी वाळूज पोलिसांत गुन्हा दाखल

न्युज मराठवाडा वृत्तसेवा :

वाळूज महानगर| प्रतिनिधी
सिडको महानगर परिसरात भरदिवसा एका महिलेच्या गळ्यातील सुमारे अडीच तोळे वजनाचे सोन्याचे मिनी गंठण हिसकावून नेल्याची घटना मंगळवारी (दि. 14) दुपारी घडली. या प्रकरणी एमआयडीसी वाळूज पोलीस ठाण्यात अज्ञात आरोपीविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, निर्मला गजानन सपकाळ (वय 61, रा. पाण्याच्या टाकीजवळ, सिडको महानगर-1, छत्रपती संभाजीनगर) यांनी याबाबत फिर्याद दिली आहे. दि. 14 जुलै रोजी दुपारी 1.15 वाजण्याच्या सुमारास पाण्याच्या टाकीजवळील मोकळ्या मैदान परिसरात त्या असताना, अज्ञात चोरट्याने त्यांच्या गळ्यातील सुमारे 1 लाख 50 हजार रुपये किमतीचे अडीच तोळे वजनाचे सोन्याचे मिनी गंठण लबाडीच्या उद्देशाने हिसकावून नेले.
या घटनेनंतर महिलेने एमआयडीसी वाळूज पोलीस ठाण्यात तक्रार दाखल केली. त्यानुसार अज्ञात आरोपीविरुद्ध गुन्हा नोंदविण्यात आला आहे.
या प्रकरणाचा पुढील तपास पोलीस उपनिरीक्षक जगताप करीत असून, वरिष्ठांच्या मार्गदर्शनाखाली आरोपीचा शोध सुरू आहे. पोलिसांनी परिसरातील सीसीटीव्ही फुटेजची तपासणी सुरू केली असून नागरिकांनी संशयास्पद व्यक्तींबाबत तातडीने पोलिसांना माहिती देण्याचे आवाहन केले आहे.