हुल्लडबाज तरुणांचा बजाजनगरात धुमाकूळ; उत्सवाचा आनंद घेण्यासाठी आलेल्या नागरिकांना त्रास

वाळूज महानगर (छत्रपती संभाजीनगर) : बजाजनगर परिसरात शिवाजी महाराज जयंती उत्साहात साजरी केली जात आहे. विविध ठिकाणी कार्यक्रमांचे आयोजन करण्यात आले असून शिवस्मारक येथे भव्य शोचे आयोजन करण्यात आले होते. या कार्यक्रमासाठी मोठ्या प्रमाणात शिवभक्त व नागरिकांनी उपस्थिती लावली होती.

मात्र या उत्सवाला काही हुल्लडबाज तरुणांनी गालबोट लावल्याची घटना समोर आली आहे. गर्दीचा फायदा घेत काही तरुणांनी नागरिकांमध्ये घुसून ढकलाढकली व आरडाओरडा, वाहनांना साहित्य ओढाओढ करत हुल्लडबाजी केली. त्यामुळे महिला व लहान मुलांसह आलेल्या कुटुंबांना मोठा त्रास सहन करावा लागला.

घटनेची माहिती मिळताच पोलिसांनी घटनास्थळी धाव घेतली. संबंधित तरुणांचा शोध सुरू असून सीसीटीव्ही फुटेजच्या आधारे कारवाई केली जाणार असल्याची माहिती पोलिसांकडून देण्यात आली आहे.

उत्सवाचा आनंद शांततेत साजरा करण्याचे आवाहन प्रशासनाकडून करण्यात आले आहे.

रत्याने जाणाऱ्या गाड्यांची नासधूस
या काही हुल्लडबाज तरुणांनी तर येणाऱ्या जाणाऱ्या गाड्यांचे साहित्य ओढताड करत नुकसान केली. एका चारचाकी गाडीची नंबरप्लेट उखडून घेऊन गेले, गर्दी खूप असल्याने नागरिकांमधून त्यांनी पळ काढला.

॰॰॰॰