प्रेम प्रकरणातून मित्रानेच मित्राचा घेतला जीव; वाळूजमध्ये रक्तरंजित खून..

Total Views: 204

न्यूज मराठवाडा वृत्तसेवा (संदीप लोखंडे)

वाळूज : प्रेम प्रकरणातून निर्माण झालेल्या वादातून मित्रानेच आपल्या मित्राचा जीव घेतल्याची धक्कादायक घटना वाळूज परिसरात घडली आहे. लांजी रोडवर दि. ८ ऑक्टोबर रोजी रात्री सुमारे ११ वाजण्याच्या सुमारास ही रक्तरंजित घटना घडली.

प्राप्त माहितीनुसार, प्रथमेश प्रभाकर गायकवाड (वय २२, रा. नारायणपूर) या तरुणावर त्याच्याच मित्राने धारदार शस्त्राने छातीत सपासफ वार केले. गंभीर जखमी अवस्थेत त्याला तात्काळ घाटी रुग्णालयात दाखल करण्यात आले; मात्र उपचारापूर्वीच डॉक्टरांनी त्याला मृत घोषित केले.

या खुनामागे प्रेम प्रकरणातील वाद असल्याचा पोलिसांना प्राथमिक अंदाज आहे. घटनेनंतर वाळूज पोलिसांनी तत्काळ घटनास्थळी धाव घेत तपास सुरू केला. आरोपी फरार असून पोलिसांनी त्याचा तीव्र शोध सुरू केला आहे.

या घटनेमुळे वाळूज परिसरात प्रचंड खळबळ उडाली असून नागरिकांमध्ये भीतीचे वातावरण निर्माण झाले आहे. पुढील तपास वाळूज पोलीस ठाण्याचे पथक करत आहे.