एका आरोपीकडून पाच दुचाकी जप्त – वाळूज एमआयडीसी पोलिसांची मोठी कारवाई

Total Views: 122

न्यूज मराठवाडा वृत्तसेवा (संदीप लोखंडे) –

वाळूज महानगर : वाळूज एमआयडीसी पोलिसांनी दुचाकी चोरी करणाऱ्या एका सराईत आरोपीला अटक करून तब्बल पाच चोरीच्या दुचाकी जप्त करण्यात यश मिळवले आहे.

अटक झालेल्या आरोपीचे नाव अभय विनोद जाधव (वय २५, रा. चौधरी कॉलनी, चिकलठाणा) असे आहे. दि. २ सप्टेंबर रोजी वाळूज एमआयडीसी पोलीस ठाण्यात दुचाकी चोरीचा गुन्हा दाखल करण्यात आला होता. तपासाच्या दरम्यान संशयित अभय जाधव याला पोलिसांनी ताब्यात घेतले. चौकशी केली असता त्याने वाळूज एमआयडीसी हद्दीतील विविध ठिकाणांहून दुचाकी चोरल्याची कबुली दिली.

त्याच्याकडून एकूण पाच दुचाकी जप्त करण्यात आल्या असून आरोपी हा रेकॉर्डवरील गुन्हेगार असल्याचे उघड झाले आहे.

ही कारवाई मा. पोलीस आयुक्त श्री. प्रविण पवार, मा. पोलीस उपआयुक्त (परिमंडळ-१) श्री. पंकज अतुलकर, व मा. सहा. पोलीस आयुक्त (छावणी विभाग) श्री. संजय सानप यांच्या मार्गदर्शनाखाली वरिष्ठ पोलीस निरीक्षक श्री. रामेश्वर गाडे यांच्या पथकाने केली.

कारवाईत सहाय्यक पोलीस निरीक्षक श्री. मनोज शिंदे, पोलीस उपनिरीक्षक प्रवीण पथरकर श्री. दिनेश बन तसेच अंमलदार बाबासाहेब काकडे, जालींदर रंधे, सुरेश कचे, विलास वाघ, हनुमान ठोके, सुरेश भिसे, वैभव गायकवाड, रोहित चिंधाळे, नितीन इनामे, समाधान पाटील, लखन गुसिंगे, संतोष बमनात, संदिप तागड व शिवनारायण नागरे यांचा सक्रिय सहभाग होता.