November 30, 2025
e85aa7c2-74c1-4a73-9bd1-a515930f2b31.jpg

न्यूज मराठवाडा वृत्तसेवा ( संदीप लोखंडे ) –
वाळूज महानगर : बजाज नगर, वाळूज एमआयडीसी येथील ऑर्किड टेक्नो स्कूल व ऑर्किड इंग्लिश स्कूलमध्ये आज (१५ ऑगस्ट) ७९ वा स्वातंत्र्यदिन पावसाळी वातावरणात मोठ्या उत्साहात साजरा करण्यात आला.

या प्रसंगी प्रमुख पाहुणे म्हणून मराठवाडा क्षेत्रातील वरिष्ठ व गतिमान रेडिएशन ऑन्कोलॉजिस्ट डॉ. अमोल उबाळे यांच्या हस्ते ध्वजारोहण करण्यात आले. शाल व श्रीफळ देऊन प्रमुख पाहुण्यांचा सन्मान करण्यात आला. तसेच संस्थेचे अध्यक्ष, संचालक, मुख्याध्यापिका आणि इतर मान्यवरांचेही शाल-श्रीफळ देऊन स्वागत करण्यात आले.

कार्यक्रमात विद्यार्थ्यांनी जालियनवाला बाग हत्याकांड आणि पाहलगाम येथे घडलेल्या घटनेवर आधारित मिशन सिंदूरचे प्रभावी सादरीकरण केले. लहानग्या विद्यार्थ्यांच्या दिमाखदार भाषणांनी उपस्थितांचे मन जिंकले.

प्रमुख पाहुणे व मुख्याध्यापिकांच्या प्रेरणादायी भाषणाने कार्यक्रमाचा समारोप झाला. स्वातंत्र्यदिन सोहळ्याच्या यशस्वी आयोजनासाठी शिक्षक व शिक्षकेतर कर्मचाऱ्यांनी मेहनत घेतली. देशभक्तीच्या वातावरणात व उन्मुक्त आनंदात कार्यक्रम पार पडला.


error: Content is protected !!