वेश्या व्यवसाय सुरू असलेल्या बजाजनगरातील हॉटेलवर पोलिसांचा छापा; दोन परराज्यातील महिलांची सुटका ५ आरोपी ताब्यात…

न्युज मराठवाडा वृत्तसेवा ( संदीप लोखंडे )

वाळूज महानगर : बजाजनगरमध्ये वेश्या व्यवसाय सुरू असलेल्या पाटील लॉजवर पोलिसांनी छापा टाकून दोन परराज्यातील महिलांची सुटका करून पाच आरोपींना ताब्यात घेतले आहे. याप्रकरणी वाळूज एमआयडीसी पोलिस ठाण्यात गुन्हा दाखल करण्यात आला असून हा छापा दि 5 जून रोजी रात्री ११.३० वाजेच्या दरम्यान टाकण्यात आला. पोलिसांनी दिलेल्या माहितीनुसार बाजाजनगरातील प्रताप चौकात असलेल्या गरुडा पाटील यांचे पाटील लॉजवर वेश्या व्यवसाय सुरू असल्याची माहिती पोलिसांना मिळाली होतो. मिळालेल्या माहितीच्या आधारे बनावट ग्राहक पाठवून सापळा रचून छापा टाकण्यात आला. छापा टाकल्यानंतर केलेल्या चौकशीमध्ये लॉज मधील मॅनेजर गणेश भीमराव भारती हा ग्राहकाकडून १५०० रु घेत होता व पीडित महिलेला ५०० रु देऊन हा व्यवसाय करत होता.

पोलिसांनी हॉटेलमध्ये पाहणी करतांना ५ ग्राहक आरोपीला ताब्यात घेतले आहे. मनोहर प्रकाश नाईक रा. मोहाडी ता. पाचोरा जि. जळगाव, शाहीराम राघो सोळुंके वय २८ रा. चिमनापुर ता. कन्नड जि. छत्रपती संभाजीनगर, कुंदन सखाराम जाधव वय २४ रा. करोडी ता. जि. छत्रपती संभाजीनगर, सुनिल भानुदास टकले वय २८ रा. रोहिलागड पाचोड ता. अंबड जि. जालना, साईनाथ राजकुमार अर्जुने वय १९ रा. कोरेवाडी पोस्ट ओलांडी ता. देवणी जि. लातुर असे ताब्यात घेतलेल्या पाच ग्राहकांचे नावे आहेत. पुढील तपास पोलिस करत आहे.