मोरे चौकातील वाहतूक सिग्नल बंद असल्याने पदचारी त्रस्त; कामगार महिला पुरुष जीव धोक्यात घालून ओलांडतात रस्ता…

न्यूज मराठवाडा वृत्तसेवा ( संदीप लोखंडे ) –

वाळूज महानगर : छत्रपती संभाजीनगरातील वाळूज एमआयडीसी मधील मोठमोठ्या कंपन्या आहेत. त्यामुळे महिला पुरुष कामगारही मोठ्या प्रमाणात आहे. परंतु याच कामगारांना मोरे चौकातील सिग्नल बंद असल्याने शिफ्ट सुटल्यानंतर घरी जाताना मोठी कसरत करावी लागते.

वाळूज एमआयडीसीमध्ये मोरे चौक हा मुख्य चौक आहे. या चौकतून संभाजीनगरकडून रांजणगाव शेपू, जोगेश्वरी, इटावा तसेच सी सेक्टर कडून बजाजनगरकडे जाण्यासाठी हाच मार्ग आहे. बरेच महिला पुरुष कामगार याच चौकातून पायी घरी जातात. परंतु मोरे चौकातील चारही बाजूने बसवण्यात आलेले हे वाहतूक सिग्नल अनेक दिवसापासून बंद असल्याने कामगारांना जीव धोक्यात घालून रस्ता ओलांडावा लागतो. त्यामुळे हे सिग्नल सुरू करण्याचे मागणी नागरिक करत आहे.

******