न्यूज मराठवाडा वृत्तसेवा : संदीप लोखंडे
दिवाळीच्या खरेदीसाठी ग्राहकांची लगबग सुरू असतानाचके बजाजनगरातील मोरे चौकात एका दुकानदाराच्या आकर्षक ऑफरमुळे मोठा गोंधळ उडाला. अवघ्या एक रुपयात शर्ट मिळणार असल्याच्या व्हायरल रील्समुळे हजारो नागरिकांनी दुकानाबाहेर एकच गर्दी केली. परिस्थिती नियंत्रणाबाहेर जाण्याची शक्यता निर्माण झाल्याने वाळूज एमआयडीसी पोलिसांनी तातडीने घटनास्थळी धाव घेत सौम्य लाठीचार्ज करत गर्दी पांगवली. पोलिसांच्या वेळीच हस्तक्षेपामुळे संभाव्य अनर्थ टळला.
दुकानदाराने दोन शर्ट खरेदी केल्यानंतर तिसरा शर्ट केवळ एक रुपयात मिळणार, अशी ऑफर दिली होती, अशी माहिती पोलिसांनी दिली. मात्र, सोशल मीडियावर केवळ एक रुपयात शर्ट मिळणार असल्याच्या रील्स मोठ्या प्रमाणात व्हायरल झाल्या. त्यामुळे ऑफरची संपूर्ण माहिती न घेता नागरिकांनी दुकानाबाहेर गर्दी केली. पाहता पाहता हजारो ग्राहक जमा झाल्याने परिसरात गोंधळाची परिस्थिती निर्माण झाली. यामुळे वाहतुकीलाही अडथळा निर्माण होण्याची शक्यता होती.
घटनेची माहिती मिळताच वाळूज एमआयडीसी पोलीस ठाण्याचे पोलीस उपनिरीक्षक सुरेश सांगळे यांच्यासह पोलीस अंमलदार प्रकाश वाघ, समाधान पाटील, सतीश पवार, लखन खंडारे, नितीन इनामे आणि सूरज अग्रवाल यांनी घटनास्थळी धाव घेतली. पोलिसांनी परिस्थिती नियंत्रणात आणत गर्दी पांगवली.
दरम्यान, संबंधित दुकानदाराला नोटीस देऊन समज देण्यात येणार असल्याचे पोलीस उपनिरीक्षक सुरेश सांगळे यांनी सांगितले. यापुढे अशा आकर्षक ऑफरमुळे दुकानासमोर अनावश्यक गर्दी होऊन वाहतुकीस अडथळा किंवा कायदा व सुव्यवस्थेचा प्रश्न निर्माण झाल्यास संबंधित दुकानदारांवर कायदेशीर कारवाई करण्यात येईल, असा इशाराही वाळूज एमआयडीसी पोलिसांनी दिला आहे.
दिवाळीच्या पार्श्वभूमीवर ग्राहकांनी सोशल मीडियावरील आकर्षक ऑफर्सना बळी न पडता त्यामागील अटी व शर्तींची पूर्ण माहिती घ्यावी आणि त्यानंतरच खरेदी करावी, असे आवाहन पोलिसांकडून करण्यात आले आहे.
॰॰॰॰
- बजाजनगरात १ रुपयात शर्टच्या ऑफरने उडाली झुंबड! हजारोंची गर्दी, पोलिसांचा सौम्य लाठीचार्ज; वेळीच हस्तक्षेप केल्याने अनर्थ टळला
Share Total Views: 4 न्यूज मराठवाडा वृत्तसेवा : संदीप लोखंडे दिवाळीच्या खरेदीसाठी ग्राहकांची लगबग सुरू - वडगाव कोल्हाटी-बजाजनगर ग्रामपंचायतीकडून दिव्यांगांना ४ लाख ५४ हजारांची आर्थिक मदत; २२७ लाभार्थ्यांना धनादेशाचे वाटप
Share Total Views: 13 न्यूज मराठवाडा वृत्तसेवा ( संदीप लोखंडे ) – वडगाव कोल्हाटी : - नागरिकांच्या सवयीत बदल, गावाच्या स्वच्छतेत सुधारणा! रांजणगाव शेणपुंजीचा उपक्रम ठरतोय इतर गावांसाठी आदर्श!
Share Total Views: 17न्यूज मराठवाडा वृत्तसेवा ( संदीप लोखंडे) : छत्रपती संभाजीनगर : औद्योगिक विस्तार - वडगाव कोल्हाटीतील आनंद बुद्ध विहारात वर्षावास सांगता समारोह उत्साहात संपन्न; भदंत करुणानंदजी महाथेरो यांच्या धम्मदेशनेने श्रद्धावान मंत्रमुग्ध
Share Total Views: 16‘भगवान बुद्ध आणि त्यांचा धम्म’ ग्रंथाच्या तीन महिन्यांच्या सामूहिक वाचनाची सांगता; धम्म - पाणीटंचाईच्या पार्श्वभूमीवर दत्ता वर्पे यांचे सिडको प्रशासनाला पत्र; बंद विहिरी-बोअरवेल स्वच्छ करण्याची मागणी
Share Total Views: 24शासनाच्या पाणीटंचाई निवारणाच्या सूचनांदरम्यान पुढाकार; स्वच्छ पाणीपुरवठा, हातपंप दुरुस्ती आणि टँकर सुरू
