तलवार–सुरा घेऊन दहशत माजवणारा परवेज पोलिसांच्या जाळ्यात

न्यूज मराठवाडा वृत्तसेवा/वाळूज महानगर

जोगेश्वरी परिसरात हातात तलवार आणि सुरा घेऊन दहशत निर्माण करणारा परवेज उर्फ शाहरुख बाशीद शेख याला वाळुज एमआयडीसी पोलिसांनी बुधवारी शिताफीने सापळा रचून अटक केली. परिसरात सतत भीतीचं वातावरण निर्माण करणाऱ्या या आरोपीच्या अटकेनंतर नागरिकांनी सुटकेचा नि:श्वास सोडला.

पोलिसांकडून मिळालेल्या माहितीनुसार, परवेज हा गेल्या काही दिवसांपासून शस्त्रांसह फिरत नागरिकांना धमकावत होता. याबाबतची गोपनीय माहिती वरिष्ठ पोलीस निरीक्षक रामेश्वर गाडे यांना मिळताच त्यांनी तातडीने कारवाईचे आदेश दिले.

त्यांच्या मार्गदर्शनाखाली पोलीस उपनिरीक्षक सागर पाटील यांच्या पथकाने जोगेश्वरी परिसरात सापळा रचला. बुधवारी सकाळी परवेज तलवार घेऊन फिरताना दिसताच पोलिसांनी झटपट हालचाल करत त्याला ताब्यात घेतले. तपासादरम्यान त्याच्याकडून सुमारे 5,500 रुपयांची धारदार तलवार व सुरा अशी दोन घातक शस्त्रे जप्त करण्यात आली.

या शस्त्रांच्या जोरावर तो परिसरात दहशत माजवत असल्याचे तपासात निष्पन्न झाले. याप्रकरणी एमआयडीसी वाळूज पोलिसांनी आरोपीविरुद्ध भारतीय दंड संहितेतील संबंधित कलमान्वये गुन्हा दाखल केला आहे.

कारवाई ज्यांच्या मार्गदर्शनाखाली झाली —
पोलीस आयुक्त विरेंद्र मिश्रा, पोलीस उपआयुक्त पंकज अतुलकर, सहायक पोलीस आयुक्त भागिरथी पवार

कारवाई करणारे अधिकारी व कर्मचारी —
वरिष्ठ पोलीस निरीक्षक रामेश्वर गाडे, पोलीस उपनिरीक्षक सागर पाटील,
धिरज काबलिये, राजाराम वाघ, दीपक जाधव, सुरेश भिसे, रोहित चिंधाळे,
जयेश साळुंके, सचिन ठोकळ, संतोष बमनात, संदीप तागड