November 30, 2025
Screenshot

Screenshot


https://www.facebook.com/share/v/17QXBSMefX/?mibextid=wwXIfr

न्यूज मराठवाडा वृत्तसेवा │ संदीप लोखंडे

वाळुज महानगर (दि. १८ ऑक्टोबर) : वाळुज एमआयडीसी पोलीस ठाणे हद्दीत चोरट्यांनी मोबाईल शॉपी फोडून रोकड लंपास केल्याची घटना घडली आहे. समर्थ मोबाईल शॉपी नावाच्या दुकानाचे शटर उचकटून चोरट्यांनी आत प्रवेश करत काउंटरमधील सुमारे वीस हजार रुपये रोकड चोरून नेली. ही घटना पहाटे साडेतीन वाजेच्या सुमारास घडली असून संपूर्ण प्रकार सीसीटीव्ही कॅमेऱ्यात कैद झाला आहे.

मिळालेल्या माहितीनुसार, नवनाथ रावसाहेब काटकर (रा. घाणेगाव) यांच्या मालकीची समर्थ मोबाईल शॉपी घाणेगाव येथे आहे. दिवाळीनिमित्त काटकर यांचा भाऊ शुभम यांनी १८ ऑक्टोबरच्या रात्री उशिरापर्यंत दुकानाची साफसफाई करून ते बंद केले होते. मात्र, पहाटे तीन अनोळखी चोरट्यांनी तोंडाला रुमाल बांधून दुकानाचा लॉक तोडला व शटर उचकटून आत प्रवेश केला. चोरट्यांनी काउंटरमधील रोकड घेऊन पसार झाले. ही घटना सीसीटीव्ही कॅमेरात कैद झाली असून घटनेची माहिती मिळताच वाळुज एमआयडीसी पोलिसांनी घटनास्थळी धाव घेतली असून सीसीटीव्ही फुटेजच्या आधारे आरोपींचा शोध सुरू आहे.

….


Leave a Reply

Your email address will not be published. Required fields are marked *

error: Content is protected !!