उत्कृष्ट खेळाडू म्हणून जिजाऊ दिनेश दुधाट हिचा पालकमंत्री सिरसाठ यांच्या हस्ते सन्मान

Total Views: 167

न्यूज मराठवाडा वृत्तसेवा (संदीप लोखंडे ) –

वाळूज महानगर : वाळूज महानगर गणेश महासंघाच्या वतीने आयोजित जिल्हास्तरीय कबड्डी स्पर्धेत श्री स्वराज्य प्रतिष्ठानची खेळाडू जिजाऊ दिनेश दुधाट हिने उल्लेखनीय खेळाचे प्रदर्शन करत उत्कृष्ट यश मिळवले. तब्बल ४० संघांमधून जिजाऊने प्रभावी कामगिरी करत महासंघाचा मानाचा उत्कृष्ट खेळाडू पुरस्कार पटकावला.

हा सन्मान सोहळा छत्रपती संभाजीनगरचे पालकमंत्री संजय शिरसाठ यांच्या हस्ते पार पडला. त्यांनी जिजाऊला सन्मानचिन्ह व प्रमाणपत्र देऊन गौरविले. जिजाऊच्या या यशामागे श्री स्वराज्य प्रतिष्ठानचे कबड्डी प्रशिक्षक शिवराज किरकंडे यांचे मोलाचे मार्गदर्शन लाभले.

तिच्या यशाबद्दल नितीन देशमुख, सरपंच सुनील भाऊ काळे, जितू भाऊ दहातोंडे, किशोर भाऊ गायकवाड, उमेश दुधाट, औदुंबर देवडकर, योगेश साळे, विक्रम आळंजकर आदी मान्यवरांनी हार्दिक अभिनंदन केले आहे.