मालकी हक्कासाठी ग्रामसभा निर्णयांची निवेदन प्रत निवासी जिल्हाधिकाऱ्यांना सुपूर्द

Total Views: 231

वडगाव कोल्हाटी / वळदगाव – न्यूज मराठवाडा प्रतिनिधी

वडगाव कोल्हाटी व वळदगाव परिसरातील शेतकरी व नागरिकांना २०११ पूर्वीच्या जमिनींचे मालकी हक्क देण्यासाठी हालचालींना वेग आला आहे. आज दिनांक ६ ऑगस्ट २०२५ रोजी माननीय जिल्हाधिकारी कार्यालयात निवासी जिल्हाधिकारी यांची भेट घेण्यात आली. यावेळी १७ जुलै २०२५ रोजी महसूल विभागाने काढलेल्या शासन निर्णयाच्या (जीआर) पत्रकाचा व २९ जुलै २०२५ रोजी घोषित “महसुली सप्ताह” यांचा संदर्भ घेण्यात आला.

विशेष म्हणजे, २ ऑगस्ट रोजी वडगाव कोल्हाटी येथे व ४ ऑगस्ट रोजी वळदगाव येथे झालेल्या ग्रामसभांमध्ये घेण्यात आलेल्या ठरावांच्या निवेदनाच्या प्रती निवासी जिल्हाधिकाऱ्यांना देण्यात आल्या. यामध्ये खालील क्षेत्रांचा समावेश होता:

सावित्रीबाई फुलेनगर – गट नंबर 20 शिवाजीनगर – गट नंबर 4 पंढरपूर – गट नंबर 12/13 वळदगाव गायरान – गट नंबर 175

ग्रामसभांमध्ये संबंधित मालकी हक्क प्रक्रियेस गती देण्याचा ठराव एकमताने मंजूर करण्यात आला.

या ग्रामसभांना व शिष्टमंडळात सहभागी होते:

सरपंच सुनील भाऊ काळे, ज्येष्ठ नेते के. व्ही. दादा गायकवाड, पंचायत समिती सदस्य राजेश साळे, माजी सरपंच अंजनभाऊ साळवे, समिती सदस्य रमेश दाभाडे, प्रकाश निकम, नरेंद्र त्रिभुवन आणि ग्रामपंचायत सदस्य सागर शिंदे, सचिन प्रधान, सचिन मोरे, योगेश साळे यांच्यासह अनेक ग्रामस्थ.

यावेळी ग्रामस्थांनी एकमुखाने शासन दरबारी मालकी हक्काची मागणी लवकर मान्य करावी अशी भूमिका मांडली. महसूल विभागाच्या पुढील कार्यवाहीसाठी हे निवेदन महत्त्वाचे ठरणार आहे.