सिटीबस चालकाची निष्काळजीपणामुळे युवकाचा अपघात; ICU मध्ये उपचार सुरू

Total Views: 238

न्यूज मराठवाडा प्रतिनिधी | छत्रपती संभाजीनगर

राजनगाव शेणपुणजी येथील साईनाथ साहेबराव अंभोरे (वय २५) या युवकाचा अपघात निष्काळजीपणामुळे झाल्याची घटना समोर आली आहे. सदर अपघात १ ऑगस्ट रोजी दुपारी ३ वाजता घडला असून युवकावर छत्रपती संभाजीनगर येथील खासगी रुग्णालयात आयसीयूमध्ये उपचार सुरू आहेत.

साईनाथ अंभोरे हे खाजगी नोकरी करत असून ते एकाखाजगी कंपनीत काम करता. काम संपल्यावर ते कंपनीची इलेक्ट्रिक स्कूटी घेऊन घरी परतत असताना, S.N. हिट ट्रीटमेंट कंपनीजवळ भरधाव वेगाने असलेल्या सिटीबस (क्रमांक MH20EL1364) थेट गाडीला धडकली आणि गंभीर जखमी झाले.

अपघातात साईनाथ यांचे डोके व छातीला गंभीर दुखापत झाली असून त्यांना तत्काळ खासगी रुग्णालयात दाखल करण्यात आले. सद्यस्थितीत त्यांच्यावर ICU मध्ये उपचार सुरू आहेत. या प्रकरणी साईनाथ अंभोर यांनी एमआयडीसी पोलीस ठाण्यात तक्रार दाखल केली असून, त्यांनी निष्काळजीपणाने सिटीबस चालकावर कठोर कारवाई करण्याची मागणी केली आहे.