वाळूज एमआयडीसी अतिक्रमणाला दोन दिवसाचा अल्टिमेटम; ‘या’ नागरिकांना तूर्तास दिलासा…

Total Views: 344

📰 न्यूज मराठवाडा वृत्तसेवा | संदीप लोखंडे | वाळूज महानगर

वाळूज : वाळूज एमआयडीसी परिसरातील अतिक्रमण हटाव मोहिमेसाठी प्रशासनाने दोन दिवसांची मुदतवाढ दिली असून, येत्या ४ ऑगस्टपासून कारवाई सुरू होणार आहे. आज एमआयडीसी पोलीस ठाण्यात झालेल्या बैठकीत हा निर्णय घेण्यात आला.

धार्मिक स्थळे व रहिवासी अतिक्रमणांना तात्पुरता दिलासा

बैठकीत रहिवासी घरे व धार्मिक स्थळांवरील अतिक्रमण हटवण्याची कारवाई १५ ऑगस्टनंतर केली जाणार असल्याचे अधिकाऱ्यांनी स्पष्ट केले. त्यामुळे या भागातील नागरिकांना तात्पुरता दिलासा मिळाला आहे.

पोलीस बंदोबस्तात ४ पथके सज्ज

एमआयडीसी अधिकाऱ्यांनी ४ पथके पोलीस बंदोबस्तासह तयार केली असून, ४ ऑगस्टपासून प्रत्यक्ष कारवाई सुरू केली जाणार आहे. या मोहिमेत कुणालाही सूट दिली जाणार नाही, अशी स्पष्ट सूचना प्रशासनाने दिली आहे.

नागरिकांना अतिक्रमण हटवण्याचे आवाहन

अधिकाऱ्यांनी उपस्थित नागरिकांना आपले अतिक्रमण स्वयंहून काढून टाकण्याचे आवाहन केले आहे. अनधिकृत बांधकामे व अतिक्रमणावर कठोर पावले उचलली जातील, असा इशाराही यावेळी देण्यात आला. या बैठकीस एमआयडीसी विभागाचे अधिकारी, पोलीस अधिकारी तसेच परिसरातील व्यापारी आणि नागरिक मोठ्या संख्येने उपस्थित होते. प्रशासनाच्या या निर्णयामुळे अतिक्रमण धारकांमध्ये खळबळ निर्माण झाली आहे.