बजाजनगरातील ५०० ठिकाणचे अतिक्रमण काढले; एमआयडीसी अधिकाऱ्यांची मोठी कारवाई, उद्याही मोहीम सुरूच

Total Views: 222

📰 न्यूज मराठवाडा वृत्तसेवा (संदीप लोखंडे)

छत्रपती संभाजीनगर : वाळूज औद्योगिक क्षेत्रातील बजाजनगर परिसरात एमआयडीसी प्रशासनाकडून अतिक्रमणविरोधी मोठी कारवाई आज शनिवार, दि. ४ ऑगस्ट रोजी करण्यात आली. या मोहिमेत तब्बल ५०० ठिकाणचे अतिक्रमण हटवण्यात आले असून, यामध्ये शाळा, धार्मिक स्थळांच्या जागा, पत्र्याचे शेड, दुकानांचे बॅनर बोर्ड, संरक्षण भिंती, तसेच टपऱ्यांचा समावेश होता.

या कारवाईत राजा शिवाजी विद्यालय, काही धार्मिक स्थळांतील खोल्या, तसेच पंढरपूर येथील तिरंगा चौक, प्रताप चौक, मोरे चौक, डॉ. बाबासाहेब आंबेडकर चौक, जय भवानी चौक, तसेच बजाजनगरातील मुख्य व अंतर्गत रस्त्यालगत असलेल्या अतिक्रमणांवर हातोडा चालवण्यात आला.

प्रशासनाच्या कारवाईदरम्यान मोठ्या संख्येने पोलिस बंदोबस्त तैनात करण्यात आला होता. त्यामुळे कोणताही मोठा विरोध झाला नाही. विशेष म्हणजे काही नागरिकांनी स्वतःहून अतिक्रमण हटवून प्रशासनाला सहकार्य केल्याचेही दिसून आले.