दिवाळी निमित्त घरफोडी- दरोड्यांना आळा घालण्यासाठी पोलीस उपायुक्त अतुलकर यांच्या संकल्पनेतून “Anti-Dacoity Patrolling” उपक्रम …

Total Views: 80

न्यूज मराठवाडा वृत्तसेवा ✍️ संदीप लोखंडे

वाळुज महानगर :

दिवाळी सणानिमित्त वाळुज MIDC पोलीस ठाणे हद्दीत अनेक कामगार, तसेच उद्योगपती आपल्या गावी जात असल्याने दरवर्षी या काळात घरफोडी व दरोड्याच्या घटना वाढतात. या गुन्ह्यांवर प्रभावी नियंत्रण आणण्यासाठी व गुन्हेगारांवर वचक बसावा म्हणून मा. पोलीस उप आयुक्त, परीमंडळ-1, छत्रपती संभाजीनगर यांच्या संकल्पनेतून “Anti-Dacoity Patrolling” हा नवीन उपक्रम राबविण्यात येत आहे.

हा उपक्रम दिनांक 20 ऑक्टोबर 2025 पासून 25 ऑक्टोबर 2025 पर्यंत सुरू असून, त्याअंतर्गत रात्री 11.00 वाजेपासून पहाटे 4.00 वाजेपर्यंत पोलीस पथके गावागावांत पायी गस्त घालणार आहेत.

या मोहिमेत R.C.P. पथकाचे 24 कमांडो, डांगरी गणवेशातील जवान, तसेच पोलीस ठाणे MIDC वाळुज येथील डी.बी. पथकातील 2 अधिकारी व 10 अंमलदार सहभागी आहेत. विशेषतः घरफोडी किंवा दरोडा पडलेल्या विरळ वस्ती आणि लांब अंतरावरील गावे — आंबेलोहोळ, नांदेडा, कासोडा, विटावा, टोकी, आंबेगाव, आसेगाव, साजापुर, पंढरपूर, रांजणगाव, जोगेश्वरी, एकलहेरा, नारायणपूर — या भागात रात्री पायी गस्त घालण्यात येत आहे.

पहिल्याच दिवशी या पथकाने टोकी, आंबेलोहोळ, एकलहेरा, आंबेगाव, साजापुर, बजाजनगर, सिडको महानगर या भागात प्रभावी पेट्रोलिंग केली. गस्तीदरम्यान गावातील पोलीस पाटीलांचाही सहभाग राहणार असून, रात्री विनाकारण फिरणाऱ्या संशयितांवर प्रतिबंधक कारवाई करण्यात येणार आहे.

पोलिसांचे आवाहन आहे की —

👉 नागरिकांनी रात्री अनावश्यक घराबाहेर फिरणे टाळावे.

👉 गावात अथवा परिसरात संशयास्पद व्यक्ती दिसल्यास तात्काळ डायल 112 वर संपर्क साधावा.

👉 पोलिस यंत्रणा सदैव नागरिकांच्या सुरक्षेसाठी तत्पर आहे.

हा उपक्रम मा. पोलीस आयुक्त श्री. प्रविण पवार, मा. पोलीस उप आयुक्त श्री. पंकज अतुलकर, सहा. पोलीस आयुक्त (छावणी विभाग) श्री. संजय सानप, वरिष्ठ पोलीस निरीक्षक श्री. रामेश्वर गाडे यांच्या मार्गदर्शनाखाली राबविला जात आहे.

या मोहिमेत पोलीस उपनिरीक्षक प्रविण पाथरकर, श्रेणी उपनिरीक्षक दिनेश बन, पोह. धीरज काबलीये, पोह. सुरेश कचे, पोअं. सुरेश भिसे, पोअं. संदीप तागड, पोअं. शिवनारायण नागरे, पोअं. रवि गायकवाड, पोअं. हनुमान ठोके, पोअं. संतोष बमनाथ, पोअं. दीपक जाधव, सचिन ठोकळ, तसेच आरसीपी पथक प्रमुख पोह. भगवान डोईफोडे व 24 कमांडो यांनी सहभाग नोंदविला आहे.